Youthon

Youthon

Saturday, August 6, 2011

Morning dew has been my tears- a maithili lyrics

                                             भोरक शीत

गायिका-  भोरक शीत बनल अछि नोर हमर,
                आबि पिया कने पीबि लिअ....

               सिमसल ठोर, आँखिक कोर लगाबू,
               सांसक शोर, नाक सटोने सुनाबू....
               केशक लट उतारि, रस स्नेहक छिनी लिअ...
               भोरक शीत बनल अछि नोर हमर,
              आबि पिया कने पीबि लिअ....


गायक- शोणित संग फूटल अछि ठोर हमर,
            आबि सजनी कोना पीबि लिअ...

         कखन छल सांझ कखन भोर भेल,
        इ धरती कखन पुलकित पोर पोर भेल,
         जुनि थिक थाह समयक,
       इ जिनगी मूनि आइंख जिबी लिअ...
       शोणित संग फूटल अछि ठोर हमर,
       आबि सजनी कोना पीबि लिअ... 

गायिका- बिन बरखा के तन भिजा- भिजा,
             भिजल चुनरी के हम उड़ा- उड़ा,
             कहलौं मिलन के विरह हमर कीनि लिअ..
             भोरक शीत बनल अछि नोर हमर,
                आबि पिया कने पीबि लिअ....

गायक-  शोणित संग फूटल अछि ठोर हमर,
           आबि सजनी कोना पीबि लिअ... 
गायिका- जेना चुम्बन लेत अछि धरती आसमां के,
गायक- जेना छू लैत अछि आइग धुंआ के,
गायक- गायिका- एक दोसर के मों में आबि घूमि लिअ..
गायिका- भोरक शीत....
गायक- शोणित संग.....
  
देवेश झा
copyright@ Devesh Jha
All right reserved.
                       
           

Wednesday, August 3, 2011

a heartache maithili lyrics by Devesh Jha

बेटी बेचैथ बेटी के  (maithili lyrics)

आन्हर पूरबा करेज सिसोह्लक, 
सुईया रखने छल झोंका में,
लगा नून जख्म में, चुभोलक !
      
                              दहकैत कंठ किये लहू के प्यासल,
                              जरैत मुर्दा किये उठी के नाचल?
                               भूखल बगरा प्राण गमौता,
                              टपकैत मौस आई गिद्ध के,
                              बेटी बेचैथ बेटी के !... -२ 

मंदिर में देवता हाथ दूनू जोरलक,
कलियुग पईस गंगा में मुँह धोलक!
आन्हर पूरबा करेज सिसोह्लक, 
सुईया रखने छल झोंका में,
लगा नून जख्म में, चुभोलक !

                                  ओ चाँद गगन सँ उजड़ी गेल,
                                  स्त्रिक कोखे पाप सँ भरी गेल,
                                  पुरुष सँ पुरुष ब्याह रचौता,
                                  कहू विधाता इ कुन बिद्ध छै!
                                  बेटी बेचैथ बेटी के!...-२

साँप मदिरा में फन गोतलक,
मनुखक चाम सँ बजैत ढोलक,
आन्हर पूरबा करेज सिसोह्लक, 
सुईया रखने छल झोंका में,
लगा नून जख्म में, चुभोलक !

                                 
                              नंगा नाच नचैत ऐछ रुपैया,
                           साड़ी नोचलक जखन अपने भैया,
                            बेटा पकरैत मायक झोंटा,
                        बौक भेल बापक कून जिद छै.
                       बेटी बेचैथ बेटी के!...-२
 देवेश झा
All right reserved.
Copyright@ Devesh Jha
Author of Dwelling Dew (english fiction)